កិច្ចប្រជុំលើក​ទី២០ របស់ក្រុមប្រឹក្សាស្តង់ដារជាតិ

Wed-05-September-2018

នាព្រឹកថ្ងៃទី០៣ ខែកញ្ញា ឆ្នាំ២០១៨ នៅក្រសួងឧស្សាហកម្ម និងសិប្បកម្ម មានរៀបចំកិច្ចប្រជុំលើក​ទី២០ របស់ក្រុមប្រឹក្សាស្តង់ដារជាតិ. ក្រោមអធិបតីភាពដ៏ខ្ពង់ខ្ពស់របស់ ឯកឧត្ដមកិត្តិសេដ្ឋាបណ្ឌិត ទេស​​រដ្ឋមន្រ្តី  ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម និងជាប្រធានក្រុមប្រឹក្សាស្ដង់ដារជាតិកម្ពុជា​។​ ជាលទ្ធផលកិច្ចប្រជុំសម្រេច៖
១. កែសម្រួលស្តង់ដារកម្ពុជា  CS 093:2012 និងបទប្បញ្ញត្តិបច្ចេកទេស CTR 008:2015 សម្រាប់សារធាតុបន្ថែមលើម្ហូបអាហារ (General standard for food additive) ដែលស្តង់ដារនេះ ត្រូវបានអនុម័តទទួលយកតាម​ស្តង់ដារ​អន្តរជាតិ​កូដិច Codex Alimentarius on General Standards for Food Additive (Codex STAN 192-1995) ហើយស្តង់ដារកូដិចត្រូវបានធ្វើវិសោធនកម្មចុងក្រោយ និងបានដាក់ឲ្យប្រើប្រាស់​នៅឆ្នាំ​២០១៦ ដោយមានបញ្ចូលបន្ថែមនូវសារធាតុបន្ថែមលើម្ហូបអាហារថ្មីចំនួន ១១៣ សារធាតុ លុបចោលនូវសារធាតុបន្ថែមលើម្ហូបអាហារចាស់មួយចំនួន ក៏ដូចជាបានកែសម្រួលនូវការតម្រូវមួយចំនួនដែរ។
២. អនុម័តស្តង់ដារអន្តរជាតិ IEC សម្រាប់បរិក្ខាអគ្គីសនីប្រើប្រាស់ក្នុងលំនៅដ្ឋាន ចំនួន ១៥ស្តង់ដារ មកធ្វើជាស្តង់ដារកម្ពុជា។
៣. អនុម័តស្តង់ដារអន្តរជាតិ ISO 5001:2011 ប្រព័ន្ធគ្រប់គ្រងថាមពល-ការតម្រូវជាមួយការណែនាំសម្រាប់ការប្រើប្រាស់ មកធ្វើជាស្តង់ដារជាតិរបស់កម្ពុជា ដើម្បីឲ្យក្រុមហ៊ុន/អង្គភាពទាំងអស់អាចអនុវត្តក្នុងការគ្រប់គ្រងការប្រើប្រាស់ថាមពល ធ្វើឲ្យប្រសើរឡើងនូវកម្រិតនៃការប្រព្រឹត្តថាមពលតាមរយៈការប្រើប្រាស់ឧបករណ៍ និងបរិក្ខាអគ្គីសនីដែលត្រូវបានផលិតឡើងឲ្យមានលក្ខណៈសន្សំសំចៃ និងកាត់បន្ថយផលប៉ះពាល់​ដល់​បរិស្ថាន។
៤. អនុម័តស្តង់ដារអន្តរជាតិ ISO ផ្នែកវិធីសាស្ត្រសម្រាប់គ្រឿងសង្ហារឹម ចំនួន ១១ស្តង់ដារ មកធ្វើជាស្តង់ដាររបស់កម្ពុជា។
៥. គាំទ្រកម្ពុជាចូលរួមកិច្ចព្រមព្រងឆ្នាំ១៩៥៨ ស្តីពីការធ្វើសុខដុមនីយកម្មបទបញ្ញត្តបច្ចេកទេសអង្គការសហប្រជាជាតិសម្រាប់ ផលិតផលយានយន្ត។ ក្រុមការប/ទ ទី8 ត្រូវពិនិត្យនិងជម្រុញការអភិវឍ្ឍនស្តង់ដារយានយន្ត ឲ្យបានច្រើន។
៦. បំពាក់គ្រឿងឥស្សរិយយសមុនីសារាភ័ណ្ឌតាមលំដាប់ថ្នាក់ ជូនសមាជិក​ក្រុមប្រឹក្សាស្តង់ដារជាតិ និងសមាជិកគណៈកម្មការបច្ចេកទេសចំនួន១០៥ រូប ដែល​មានស្នាដៃឆ្នើមក្នុងការអភិវឌ្ឍស្តង់ដារជាតិ ក្នុងគោលបំណងលើកទឹកចិត្ត និងជំរុញឲ្យចូលរួមយ៉ាងសកម្មក្នុងសកម្មភាពស្តង់ដារនីយកម្ម ។               ​                             
ISC

អត្ថបទដែលទាក់ទង

[ Fri-15-July-2016 ]
នារសៀលថ្ងៃទី១៥ ខែកក្កដា ឆ្នាំ២០១៦ នៅវិទ្យាស្ថានស្តង់ដារកម្ពុជា មានរៀបចំកិច្ចប្រជុំលើកទី១៦ របស់ក្រុមប្រឹក្សាស្តង់ដារជាតិ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមទេសរដ្ឋមន្រ្តី ចម ប្រសិទ្ធ រដ្ឋមន្រ្តីក្រសួង​ឧស្សាហកម្ម និងសិប្បកម្ម និងជាប្រធានក្រុមប្រឹក្សាស្តង់ដារជាតិកម្ពុជា

[ Fri-15-July-2016 ]
នៅល្ងាចថ្ងៃទី១៤ ខែកក្កដា ឆ្នាំ២០១៦ នៅវិទ្យាស្ថានស្តង់ដារកម្ពុជា ក្រោមអធិបតេយ្យភាព ឯកឧត្តម ចាន់ បូរិន្ទ ប្រធានវិទ្យាស្ថានស្តង់ដារកម្ពុជា បានធ្វើការបិទវគ្គបណ្តុះបណ្តាលស្តីពីគ្រូបង្គោលផ្នែកស្តង់ដារូបណីយកម្ម បន្ទាប់ពីបញ្ចប់ដោយជោគជ័យដោយបានបណ្តុះបណ្តាលមន្រ្តីក្នុងវិទ្យាស្ថានស្តង់ដារកម្ពុជាចំនួន២៦អ្នកឲ្យកា្លយជាគ្រូបង្គោល។

[ Wed-08-June-2016 ]
ដោយបានសហការប្រតិបត្តិការលើការងារជំនួយបច្ចេកទេសជាមួយ PTBT អាល្លឺម៉ង់ នៅថ្ងៃទី១២ ខែកក្កដា ឆ្នាំ២០១៦ នៅវិទ្យាស្ថានស្តង់ដារកម្ពុជា បានរៀបចំវគ្គបណ្តុះបណ្តាលគ្រូបង្គោលផ្នែកស្តង់ដារូបណីយកម្ម ដែលមានរយៈពេល២ថ្ងៃកន្លះ ចាប់ពីថ្ងៃទី១២ ដល់ ថ្ងៃទី១៤ ខែកក្កដាឆ្នាំ២០១៦ ដែលមានការចូលរួមពីមន្ត្រីក្រោមវិទ្យាស្ថានស្តង់ដារកម្ពុជា។
ចូលគណនីប្រើប្រាស់
អាគារលេខ៥០៨ ផ្លូវជាតិ២ សង្កាត់ចាក់អង្រែលើ ខ័ណ្ឌមានជ័យ រាជធានីភ្នំពេញ
ទូរស័ព្ទៈ (៨៥៥) ០២៣ ៤២ ៨៧ ៤៥ / ទូរសារៈ (៨៥៥) ០២៣ ៤២ ៨៧ ៤៥
អ៊ីម៉េលៈ discinfo@camnet.com.kh / វែបសាយៈ www.isc.gov.kh
©២០១៦​ - រក្សាសិទ្ធិគ្រប់យ៉ាង ដោយ  វិទ្យាស្ថានស្តង់ដារកម្ពុជា.
រចនា និងបង្ហោះដោយ សឺវីងវេប សឹលូសិន.