កិច្ចប្រជុំលើក​ទី២០ របស់ក្រុមប្រឹក្សាស្តង់ដារជាតិ

Wed-05-September-2018

នាព្រឹកថ្ងៃទី០៣ ខែកញ្ញា ឆ្នាំ២០១៨ នៅក្រសួងឧស្សាហកម្ម និងសិប្បកម្ម មានរៀបចំកិច្ចប្រជុំលើក​ទី២០ របស់ក្រុមប្រឹក្សាស្តង់ដារជាតិ. ក្រោមអធិបតីភាពដ៏ខ្ពង់ខ្ពស់របស់ ឯកឧត្ដមកិត្តិសេដ្ឋាបណ្ឌិត ទេស​​រដ្ឋមន្រ្តី  ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម និងជាប្រធានក្រុមប្រឹក្សាស្ដង់ដារជាតិកម្ពុជា​។​ ជាលទ្ធផលកិច្ចប្រជុំសម្រេច៖
១. កែសម្រួលស្តង់ដារកម្ពុជា  CS 093:2012 និងបទប្បញ្ញត្តិបច្ចេកទេស CTR 008:2015 សម្រាប់សារធាតុបន្ថែមលើម្ហូបអាហារ (General standard for food additive) ដែលស្តង់ដារនេះ ត្រូវបានអនុម័តទទួលយកតាម​ស្តង់ដារ​អន្តរជាតិ​កូដិច Codex Alimentarius on General Standards for Food Additive (Codex STAN 192-1995) ហើយស្តង់ដារកូដិចត្រូវបានធ្វើវិសោធនកម្មចុងក្រោយ និងបានដាក់ឲ្យប្រើប្រាស់​នៅឆ្នាំ​២០១៦ ដោយមានបញ្ចូលបន្ថែមនូវសារធាតុបន្ថែមលើម្ហូបអាហារថ្មីចំនួន ១១៣ សារធាតុ លុបចោលនូវសារធាតុបន្ថែមលើម្ហូបអាហារចាស់មួយចំនួន ក៏ដូចជាបានកែសម្រួលនូវការតម្រូវមួយចំនួនដែរ។
២. អនុម័តស្តង់ដារអន្តរជាតិ IEC សម្រាប់បរិក្ខាអគ្គីសនីប្រើប្រាស់ក្នុងលំនៅដ្ឋាន ចំនួន ១៥ស្តង់ដារ មកធ្វើជាស្តង់ដារកម្ពុជា។
៣. អនុម័តស្តង់ដារអន្តរជាតិ ISO 5001:2011 ប្រព័ន្ធគ្រប់គ្រងថាមពល-ការតម្រូវជាមួយការណែនាំសម្រាប់ការប្រើប្រាស់ មកធ្វើជាស្តង់ដារជាតិរបស់កម្ពុជា ដើម្បីឲ្យក្រុមហ៊ុន/អង្គភាពទាំងអស់អាចអនុវត្តក្នុងការគ្រប់គ្រងការប្រើប្រាស់ថាមពល ធ្វើឲ្យប្រសើរឡើងនូវកម្រិតនៃការប្រព្រឹត្តថាមពលតាមរយៈការប្រើប្រាស់ឧបករណ៍ និងបរិក្ខាអគ្គីសនីដែលត្រូវបានផលិតឡើងឲ្យមានលក្ខណៈសន្សំសំចៃ និងកាត់បន្ថយផលប៉ះពាល់​ដល់​បរិស្ថាន។
៤. អនុម័តស្តង់ដារអន្តរជាតិ ISO ផ្នែកវិធីសាស្ត្រសម្រាប់គ្រឿងសង្ហារឹម ចំនួន ១១ស្តង់ដារ មកធ្វើជាស្តង់ដាររបស់កម្ពុជា។
៥. គាំទ្រកម្ពុជាចូលរួមកិច្ចព្រមព្រងឆ្នាំ១៩៥៨ ស្តីពីការធ្វើសុខដុមនីយកម្មបទបញ្ញត្តបច្ចេកទេសអង្គការសហប្រជាជាតិសម្រាប់ ផលិតផលយានយន្ត។ ក្រុមការប/ទ ទី8 ត្រូវពិនិត្យនិងជម្រុញការអភិវឍ្ឍនស្តង់ដារយានយន្ត ឲ្យបានច្រើន។
៦. បំពាក់គ្រឿងឥស្សរិយយសមុនីសារាភ័ណ្ឌតាមលំដាប់ថ្នាក់ ជូនសមាជិក​ក្រុមប្រឹក្សាស្តង់ដារជាតិ និងសមាជិកគណៈកម្មការបច្ចេកទេសចំនួន១០៥ រូប ដែល​មានស្នាដៃឆ្នើមក្នុងការអភិវឌ្ឍស្តង់ដារជាតិ ក្នុងគោលបំណងលើកទឹកចិត្ត និងជំរុញឲ្យចូលរួមយ៉ាងសកម្មក្នុងសកម្មភាពស្តង់ដារនីយកម្ម ។               ​                             
ISC

អត្ថបទដែលទាក់ទង

[ Tue-30-January-2018 ]
ថ្ងៃច័ន្ទ ១៣កើត ខែមាឃ ឆ្នាំរកា នព្វស័ក ពស ២៥៦១ ត្រូវនឹងថ្ងៃទី២៩ ខែមករា ឆ្នាំ២០១៨ នៅសណ្ឋាគារSunway បានរៀបចំសិក្ខាសាលាស្តីពីវិធានលក្ខណៈវិទ្យាសាស្រ្ត និងការអនុវត្តលើការប្រើប្រាស់សារធាតុ Chryotile ប្រកបដោយសុវត្ថិភាព ក្រោមអធិបតីភាព ឯកឧត្តម ចាន់ បូរិន្ទ ប្រធានវិទ្យាស្ថានស្តង់ដាកម្ពុជា។ សិក្ខាសាលានេះរៀបចំដោយវិទ្យាស្ថានស្តង់ដាកម្ពុជា នៃក្រសួងឧស្សាហកម្ម និងសិប្បកម្ម និងសហការណ៍ជាមួយមជ្ឈមណ្ឌលព័ត៌មានគ្រីសូថាយប្រចាំកម្ពុជា។គោលបំណងនៃសិក្ខាសាលានេះមានគោលបំណង៖១ ផ្តល់ព័ត៌មានវិទ្យាសាស្រ្តអំពីសារធាតុ Asbestos (Chrysotile)២ ផ្តល់ព័ត៌មានអំពីការប្រើប្រាស់ដោយសុវត្ថិភាពនៃសារធាតុ Asbestos(Crysotile) ជាមួយអ្នកពាក់ព័ន្ធចាប់តាំងពីអ្នកផលិត អ្នកផ្គត់ផ្គង់ ចែកចាយ អ្នកប្រើប្រាស់៣ ផ្តល់នូវព័ត៌មាន និងបទពិសោធន៍អំពីសារធាតុ Asbestos (Chrysotile) ដែលមាននៅលើផលិតផលប្រើប្រាស់មួយចំនួន និងផលប៉ះពាល់របស់វា។

[ Mon-29-August-2016 ]
នាព្រឹកថ្ងៃទី២៦ ខែសីហា ឆ្នាំ២០១៦ នៅសាលាខេត្តបាត់ដំបង មានរៀបចំវគ្គបណ្តុះបណ្តាលស្តីពី ជាតិបូរ៉ាក់ និងផលិតផលប៉ះពាល់ដល់សុខភាព ដោយមានការសហការរៀបចំដោយ មន្ទីរឧស្សាហកម្ម និងសិប្បកម្ម រួចជាមួយ ក្រសួងឧស្សាហកម្ម និងសិប្បកម្ម ក្រោមអធិបតីភាព ឯកឧត្តម ប៊ុត គឹមសាន អភិបាលរង នៃគណៈអភិបាលខេត្តបាត់ដំបង

[ Mon-15-August-2016 ]
នាព្រឹកថ្ងៃទី១៥ ខែសីហា ឆ្នាំ២០១៦ នៅវិទ្យាស្ថានស្តង់ដារកម្ពុជា នៃក្រសួងឧស្សាហកម្ម និងសិប្បកម្ម  មានរៀបចំកិច្ចប្រជុំលើកទី១   របស់គណៈកម្មាធិការសម្របសម្រួលអន្តរក្រសួង គ្រប់គ្រង
ចូលគណនីប្រើប្រាស់
អាគារលេខ៥០៨ ផ្លូវជាតិ២ សង្កាត់ចាក់អង្រែលើ ខ័ណ្ឌមានជ័យ រាជធានីភ្នំពេញ
ទូរស័ព្ទៈ (៨៥៥) ០២៣ ៤២ ៨៧ ៤៥ / ទូរសារៈ (៨៥៥) ០២៣ ៤២ ៨៧ ៤៥
អ៊ីម៉េលៈ discinfo@camnet.com.kh / វែបសាយៈ www.isc.gov.kh
©២០១៦​ - រក្សាសិទ្ធិគ្រប់យ៉ាង ដោយ  វិទ្យាស្ថានស្តង់ដារកម្ពុជា.
រចនា និងបង្ហោះដោយ សឺវីងវេប សឹលូសិន.